MCHUNJO UGOMBEA URAISI MAREKANI UMEWEKA TRUMP NA SANDERS WATIKISA

Mgombea urais wa chama cha Republican Donald Trump na mgombea wa chama

cha Democratic Bernie Sanders wamepata ushindi katika mchujo wa jimbo la New Hampshire.

Seneta wa Vermont Bernie Sanders, aliyemshinda Hillary Clinton, amesema ushindi wake unaonesha watu wanataka “mabadiliko kamili”.

Bw Trump na Seneta Sanders wote wawili wamekuwa wakiwataka watu wapige kura dhidi ya watu ambao tayari wamekuwa kwenye mfumo wa utawala.

Maafisa wa jimbo walikadiria kwamba watu wengi wangejitokeza kushiriki kura za mchujo huo wa New Hampshire.

Gavana wa Ohio John Kasich alimaliza wa pili katika chama cha Republican, mbele ya gavana wa Florida Jeb Bush, Texas Seneta Ted Cruz na Seneta wa Florida Marco Rubio wote ambao wanang’ang’ania nafasi ya tatu.

source bbc