Mgombea anayeunga mkono harakati za uhuru kwenye taifa la
Taiwan, Tsai Yingwen kutoka Chama cha Democratic Progressive Party (DPP)
ameshinda uchaguzi wa urais nchini humo.
Chama
tawala cha Kuomintang ambacho kinapendelea ushirikiano na upande wa bara wa
taifa la China k
ilipoteza uchaguzi huo.
Baada ya
nusu ya kura zote kuhesabiwa DPP kilionyesha kuongoza kwa kishindo kwa
zaidi ya asilimia 60 ya kura zote zilizopigwa.
Tsai
atakuwa Rais wa kwanza mwanamke kwenye dunia ya wazungumzaji wa lugha ya
Kichina.
Pia
kiongozi huyo anatarajiwa kutoa hotuba yake baada kutangaza rasmi kuwa kiongozi
wa taifa hilo.
Kabla ya
kufanyika kwa uchaguzi huo nchini humo wachambuzi mbalimbali wa
kisiasa, walisema kuna uwezekano mkubwa wa mgombea huyo
kushinda, kinyume na matarajio ya raia wa China. Tsai halikuwa mwiba kwa
Wachina kutokana na sera zake zinazoshinikiza uhuru wa kisiwa hicho dhidi ya
mwingiliano wowote wa kisiasa.
Inaelezwa
kwamba wapigakura wengi nchini humo hawakufurahishwa na ushirikiano wa karibu
wa kisiasa na China, kwa madai haujawanufaisha kwa lolote’.
“Wapigakura
wengi walihisi mikataba ya kiuchumi ambayo imetiwa sahihi kati ya
Taiwan na China haijawanufaisha hata kidogo,” alisema mchambuzi
mmoja.
Ni
mwanamke wa kwanza kuongoza Taifa hilo na anakabiliwa na changamoto nyingi
kutoka kwa wapinzani wake.
SOURCE Mwananchi
Post a Comment